فرحي قليل (نبطية)

هذه القصيدة مجاراة للشاعر السعودي الفحل بندر بن سرور العتيبي  في قصيدته التي مدح بها أمير قبيلته عتيبة والتي قال فيها

:

يا سخيف الذرعان ماني ب بمرجوج

رجتني الدنيا بغدرٍ وحيلة

والله لولا اللي على تاسع الفوج

لكب نجدٍ وعزوةً بالقبيلة

تركي لامن الليالي غدن عوج

حمله عتيبة كلها ما تشيلة

يرسي كما ترسي البواخر على الموج

من حيث ما صكّ البحر ترتكي له

ولقد جاريت فيها الشاعر المجيد بدافع الحب والإعجاب

وبدافع الحب للهجة السعودية الراقية

فَرْحِي قليلٍ بالحِزِنْ دُومِ مَمْزوج

بَسْمَةْ شفاهي مِنْ دُمُوعِي بَليلَة

أنا ضعيفٍ والبحر عاليَ الموج

ما لي على ردِّ المقاديرِ حيلة

سَكَنْت من بعد الرَّكِضْ فيه والدُّوج

وكن ما كانت حياتي طويلة

ثوب العمر كنه من الموت منسوج

من لا يجي للموت موته يجيله

تبغى السعادةْ في دروبك وهي عوج

ترى السعادة في حياة الفضيلة

طهّرتْ قلبي من دنس كل ممجوج

القلب الابيض ما تلاقي مثيله

تلقى الحسود بجمرة الهم مزعوج

وراحته في دنيته مستحيلة

فديت خلٍّ قاتل الحسن مغنوج

نحيل خصر ٍ والروادف ثقيلة

جميل ثغرٍ ضاحك السن مفلوج

نظيف قلبٍ ما يداني الرذيلة

رمى فؤادي بنظرةٍ صار مرجوج

وهام في دنيا العيون الجميلة
إذا نظرته أنظرالورد في مروج
ويهيم قلبي في الخدودِ الأسيلة

صار بكماله للعقل والمنى زوج

ما غاب عن فكري ثواني قليلة

حمرة شفاهه خلقةٍ ما بها روج

حتى عيونه بدون كحلٍ كحيلة

لكن وخيل البينِ يا عمر مسروج

لا بد من فرقى الخليل وخليله